網紅的藏寶箱全家人呢個農曆年假期嘅重點節目👇🏻👇🏻 ~
每人一副慢慢砌😆係咪好益智呢？！
其實阿媽日間親子同行、晚間賭場風雲🤫
呢幾個月來真係花咗唔少銀兩入坑！仲被阿囡感染買返兩盒一齊砌應酬下😄！
唔知點解呢幾個月Bella一下子對LEGO Friends 產生濃厚興趣，自己埋頭苦幹每日幾粒鐘喺咁砌，一盒接一盒，相信出世至今揭得最多嗰本書應該係LEGO嘅guidebooks😑，第一次見佢專注成咁又無半途而廢，我有啲喜出望外嘅感覺。
亦因為有個反應好慢又掛住做自己嘢嘅阿媽，成日叫佢自己睇清楚先問，唔得就拆咁啲再砌過，最多唔夠力幫佢襟兩下，最終佢明白個道理係：「等得你黎都蚊訓，我自己整過可能仲快🙄」
如是者由最初幾百粒開始砌，砌到而家一盒千幾粒，一星期KO到一盒，雖然唔知佢裡面砌錯幾多野😅，但外觀上都算似模似樣嘅，所以爸爸已經批咗佢份計劃書，撥咗10億比佢興建自己個遊樂場，有望2021年中旬落成。
（🧑🏻🦱背後慘叫課金課到好甘🙈）
而阿媽我就有更高層次嘅濃厚興趣😌每晚都會鑽研下國粹 🀄🀄🀄
#興趣育成 #Lego #LegoFriends #國粹
Search